سعيد العيلي يكتب ..واشمن حالة ولى فيها زايو واشمن حالة.

زايوبريس.كوم

واشمن حالة ولى فيها زايو واشمن حالة
بيبان الجوامع مبلعين بالخضرة ولاو مزبلة
الما الخانز يجري واد من باب سوق الحوت
و المصلي يتخطى فيه ملقم جلابة ويفوت
دارو سوق المركب باش ينقص البطالة
الحرايفية القدام تشومرو باعو الميزان والكوالة
لي في الخاريج ماشبعش و شرى السروت
ولي هنا مقطع خلاوه يموت
الخضارة كثرو دارو الكرارس ولاو جوالة
و الباقي دار گيطون في الشارع بالدربالة
سوق الخميس مع العشرة يخرف يالخوت
وفي العشية يعمر في شوارع كبدانة واولاد ستوت
واشمن حالة ولى فيها زايو واشمن حالة
المرة جاية مسوقة ومزوقة واش مابقاوش الرجالة
جايبة بنتها في يدها وكاتفرق في النماري عالخضارة
عمرت گفتها غي بالهدرة والضحكة والدسارة
واش ماتت الغيرة من قلوب الرجالة
تاولاو النسا يجيبولهم الخضرة من الزبالة

zaiopress.com

ترك الرد

Please enter your comment!
Please enter your name here

Optionally add an image (JPEG only)